Official, cop rob woman at TIA

KATHMANDU, DEC 18 - In a classic case of guardians of the law turning lawbreakers, an official at the Tribhuvan International Airport and a police constable robbed a woman returning from Saudi Arabia four weeks ago.

Sita Rai (name changed) on Sunday filed a complaint at the Ministry of Home Affairs (MoHA) against the duo and said the she was sexually abused and robbed of 9,500 riyal (around Rs 218,000).

The woman from Bhojpur has named constable Parshu Ram Basnet and senior non-gazetted officer at the Department of Immigrations at the TIA , Somnath Khanal, in her complaint.

While police on Sunday arrested Basnet and is at the Metropolitan Police Range, Hanumandhoka, presently, Khanal is at large.

Spokesperson at the police range DSP Dhiraj Pratap Singh said Basnet told the police that Khanal fled with the money.

Rai, who had gone to Saudi Arabia via India, landed at the TIA on the night of November 21. She was carrying a fake passport in the name of Bimala KC, Rai admitted in her complaint.

The official and the policeman at the TIA seized her belongings and travel documents on the pretext of a 'regular check,' Rai said.

According to her, Basnet then took her to the New Bus Park to drop her. She was, however, forced to spend a night with him at a local guest house, she said.

"He paid all the bills at the guest house and bought a bus ticket to Bhojpur for me and left," Rai says in her complaint. She realised only later that the official s actually stole her money. "He paid for everything to make sure that I didn't reach for my purse," she says.

MoHA Secretary Navin Kumar Ghimire has formed a panel led by joint secretary Bhola Siwakoti to look into the case.

"I received the complaint today and talked with the victim. We are not in a position to comment until the probe panel prepares the report," Ghimire said.

साउदीबाट फर्कीएकी युवतीमाथि अध्यागमन कर्मचारीद्वारा यौन शोषण र लुटपाट

३ पुस, काठमाण्डौ । कानुन कार्यन्वयन गराउन त्रिभुवन बिमानस्थलको अध्यागमनमा खटिएका नेपाल सरकारका कर्मचारीले साउदी अबरबाट फर्किएकी एक महिला कामदारमाथि यौन शोषण गर्नुका साथै दुई बर्षसम्म दुःखजिलो गरेर कमाएको रकम पनि लुटेका छन् ।

साउदी अरबमा घरेलु कामदार भएर फर्कदै गरेकी भोजपुरकी एक युवतीलाई अध्यागमनका तैनाथ प्रहरी पर्सुराम बस्नेत र अध्यागमनका कर्मचारी सोमनाथ खनालले ९ हजार ५ सय रियाल अर्थात करिव २ लाख १८ हजार रुपैयाँ लुटेका हुन् ।

पिडीत महिलाले यतिखेर आफुमाथि यौन शोषण भएको र रकम लुटिएको भन्दै जिल्ला प्रशासन कार्यालय काठमाण्डौ र गृह मन्त्रालयमा किटानी जाहेरी दिएकी छिन् । जाहेरीका आधारमा महानगरीय प्रहरी परिसरले आइतवार बस्नेतलाई पक्राउ गरेको प्रवक्ता धिरजप्रताप चन्दले जानकारी दिनुभयो । अध्यागमन कर्मचारी खनाल भने फरार रहेका छन् ।

कसरी लुटे ?

पिडीत महिलाले दिएको निबेदनअनुसार मंसिर ६ गते राती उनी त्रिभुवन बिमानस्थमा उत्रिएकी थिइन् । आफुसँग नक्कली पासपोर्ट रहेको स्वीकार्दै उनले सुरुमा त्रिभुवन बिमानस्थलका कर्मचारीले पासपोर्ट र ट्राभल डकुमेन्ट र पैसा नियन्त्रणमा लिएको बताइन् । पिडीत महिलाका अनुसार त्यसपछि बस्नेतले उनलाई नयाँ बसपार्क छाडिदिने भन्दै लिएर गए । त्यहाँ बस्नेतले उनलाई गेष्टहाउसमा एक रात सँगै बस्न बाध्य पारेको र राती यौन शोषण गरेको महिलाको जाहेरीमा उल्लेख छ ।

‘उसले गेष्ट हाउसको सवै बील तिर्‍यो र मलाई भोजपुर जाने टिकट पनि लिइदियो’ महिलाले उजुरीमा भनेकी छिन-उ गएपछि मात्र मेरो पैसा चोरी भएको जानकारी पाएँ ।’

‘पर्स नखोजोस र पैसा चोरिएको थाहा नपाओस भनेर उसले सवै पैसा आफै तिरेको रहेछ’ महिलाले भनेकी छिन- बसपार्कतिर जाने बेलामा मात्र मैले पैसा हराएको थाहा पाएँ, त्यो पैसा बस्नेतले नै चोरेको हो ।’

जाहेरीका आधारमा गृह सचिव नविनकुमार घिमिरेले सहसचिव भोला सिवाकोटीको नेतृत्वमा एक छानविन समिति गठन गर्नुभएको गृह मन्त्रालय स्रोतले जानकारी दिएको छ ।

अध्यागमन कर्मचारीहरुको ज्यादती यो पहिलो भने हैन् । अमेरिका जाँदै गरेकी महिलासँग पैसा मागेको अभियोगमा एक बर्षअघि त्यहाँ कार्यरत कार्यालय सहायक समातिएका थिए भने सेटिङ मिलाएर अबैध कामदार र शरणार्थीसमेतलाई बिदेश उडाउने धन्दामा पनि उनीहरुको संलग्नता रहने गरेको पटक पटक भेटिएको छ । सोझा कामदारलाई अनाबश्यक दुःख दिंदै फर्काउने र पैसा दिन सक्नेहरुसँग मिलेमतो गरेर अबैधलाई उडाउने गरेको आरोप उनीहरुमाथि लाग्दै आएको छ ।

दिल्लीपछि काठमाडौं तानिँदैछ बलात्कार काण्डमा

युवती गर्भवती, बलत्कारीलाई मार्न पाइने कानून

सार्वजनिक सवारी साधनमा महिलामाथि हुने यौनजन्य हिंसा रोक्न सादा पोशाकमा प्रहरी परिचालन गरिने सरकारी अधिकारीहरुले डिंग हाँकिरहेकै बेला बर्दीवाल प्रहरीबाटै राजधानीमा नेपाली युवतीले आफू लुटिएको उजुरी प्रहरीमा दर्ता गराएकी हुन् ।

यस्तो भयो काठमाडौंमा

समाचारहरुमा जनाइएअनुसार साउदीमा घरेलु कामदारका रुपमा कार्यरत् भोजपुर घर भएकी एक महिला गत मंसिर ६ गते त्रिभुवन अन्तरराष्ट्रिय विमानस्थलमा ३ वर्षको विदेश बसाइपछि उत्रिएकी थिइन् । म्यानपावर दलालहरुले उनलाई विमला केसीका नाममा पासपोर्ट बनाएर विदेश पठाएका थिए । यसैलाई आधार बनाएर एक प्रहरी जवान र अध्यागमन कर्मचारीले उनका साथमा रहेको २ लाख नगद र जिन्सीसमेत लुट्नुका साथै गंगबूस्थित एक गेष्ट हाउसमा पुर्‍याएर बलात्कार गरी गाडी चढाएर जिल्लातिर पठाए । अहिले ती युवतीले एउटा सामाजिक संस्थाको माध्यमबाट न्याय मागिरहेकी छन् । बिहीबारको नयाँ पत्रिका दैनिकमा पत्रकार प्रमिला देवकोटाले बलात्कारबाट पीडित महिला गर्भवती रहेको समाचार लेखेकी छन् ।

युवतीलाई प्रहरी जवान पर्शुराम बस्नेत र अध्यागमनका नायब सुब्बा सोमनाथ खनालले लुटपाट र बलात्कार गरेको भन्दै दुबैलाई प्रहरीले नियन्त्रणमा लिएको छ । युवतीबाट लिएको रकम अध्यामगमनका शाखा अधिकृत टीका पोखरेल र रामप्रसाद कोइरालासम्म भागवण्डा भएको खबर आएपछि सरकारले अध्यमगमनका ३ कर्मचारीलाई निलम्बन गरेको छ । घटनाबारे गृहसचिव नवीन घिमिरे र सहसचिव भोलाप्रसाद शिवाकोटीले छानविन गरिरहेको बताइए पनि गृहमन्त्रालयले यसबारे औपचारिक रुपमा केही बोलेको छैन । पीडितले मंगलबार प्रंहरीमा उजुरी दिएपछि अनुसन्धान अघि बढेको हो । सर्वस्व लुटेर जिल्ला पठाएकी युवती पैसा माग्न काठमाडौं आएका बेला पीडितका आफन्तको सहयोगमा पहिलो पर्शुराम बस्नेत र पछि सोमनाथ समातिएका हुन् ।

दिल्लीमा के भयो ?

आइतबार दिल्लीमा एक २३ वर्षीया युवतीमाथि सामुहिक बलात्कार भयो । अस्पतालमा रहेकी उनको अवस्था अहिलेसम्म गम्भीर छ । डाक्टरको भनाइ उधृत गर्दै भारतीय मिडियाले जनाएअनुसार बलात्कारीहरुले युवतीको शरीरभित्र फलामको रड घुसारेर बाहिर तान्दा उनको शरीर क्षत विक्षत भएको छ । डाक्टरले उनलाई बचाउने प्रयास गरिरहेका छन् । पीडितले कागजमा ‘आमा म जीवित रहन चाहन्छु’ लेखेको भेटिएको छ ।

आइतबार साँझ दिल्लीको सार्वजनिक बसमा यस्तो घटना भएको थियो । बलात्कारपछि उनलाई अचेत बनाई फालिएको अवस्थामा भेटेर उद्धार गरिएको हो ।

घटनापछि दिल्लीका महिलाहरु विरोधमा जुर्मुराएका छन् । दिल्लीकी मुख्यमन्त्री शीला दीक्षितको निवास अगाडि प्रदर्शन भएको छ । भारतीय संसद्मा बलात्कारीलाई मृत्युदण्ड दिनुपर्ने अवाज उठेको छ । सुपि्रम कोर्टले समेत घटनाबारे बोलेको छ । नायक अभिताभ बच्चनले यस्तो विभत्सता पशुमा पनि सोच्न नसकिने बताएका छन् भने नायिका करिना कपुरले भारतमा न्यायमा ढिलाइ हुने गरेको प्रतिक्रिया दिएकी छन् । राष्ट्रिय महिला आयोगकी प्रमुख ममता शर्माले बलात्कारीलाई आजीवन कारावासको सजायँ दिन र नपुंशक बनाउन माग गरेकी छन् । गृहमन्त्री सुसीलकुमार सिंदेले महिला सुरक्षाका लागि विशेष योजना ल्याउने बताएका छन् । यसका लागि गृहसचिव स्तरको कार्यदल बनाइने भएको छ । महिलाको सुरक्षाका लागि गाडीमा सीसीटीभी जडान गर्नुपर्ने समाज कल्याण मन्त्री किरण बालियाको सुझाव छ ।

नेपालमा मौनता

यता, नेपालमा आफ्नै मातहतका प्रहरीबाट युवती लुटिँदा र बलात्कृत हुँदा हाम्रा गृहमन्त्री विजय गच्छदारले अहिलेसम्म चुइँक्क बोलेका छैनन् । उनलाई बोल्नका लागि बाध्य पार्ने कुनै नागरिक दबाव पनि छैन । जनताको पक्षमा आवाज उठाउने संसद् पनि छैन ।

प्रहरीबाट नागरिकको सुरक्षा हुनुपर्नेमा भोजपुरकी युवतीको सर्वस्व लुटिएको यो घटना कम दर्दनाक र संवेदनशील घटना छैन । के यसबारे नेपाल सरकारले गम्भीरतावपूर्वक छानविन गर्नुपर्दैन ?

बलत्कारीलाई मार्न पाइने कानून

नेपालको मुलुकी ऐन जबर्जस्ती करणी महलको महल नं ८ ले कुनै पनि पीडित महिलाले आफू बलात्कृत भएको १ घण्टाभित्र पीडिकलाई मारेको खण्डमा ती महिलालाई कानुन नलाग्ने छुट दिएको छ । नेपालमा मृत्युदण्डको कानून नभए पनि महिलाले पाएको यो विशेष प्रतिरक्षाको अधिकार हो । महिलाहरु यो अधिकारबारे सचेत हुने हो भने बलात्कृत हुनासाथ अपराधीलाई मारिदिन सक्छन् । तर, यो महलबाहेक नेपालमा बलात्कारीमाथि हुने कानून पर्याप्त र कडा नभएको गुनासो महिला अधिकारकर्मीहरुले गर्दै आएका छन्

मुलुकी ऐन, जबरजस्ती करणी ८ नं महलमा यस्तो लेखिएको छ-

‘आफूलाई जबर्जस्ती करणी गर्ने मनसाय लिई उद्योग गरी हातपात, छेकथुन, बाँधछाँद इत्यादि जोरजुलुम गर्न लाग्यो र त्यसबखत कराई गुहार मागी वा अरु केही उद्योग गरी जुल्मीको पञ्जाबाट उम्की भागी आफ्नो धर्म बचाउन नसक्ने अवस्था परी त्यस्ता जुल्मीलाई आफ्ना अक्कल बर्कतले सकेसम्मका कुरा केही नगरे आफ्नो धर्म नष्ट हुनेसम्मको ठूलो डर त्रास परी करणी लिन नपाउँदै वा उसैबखत आफ्नो जोडबल पुग्न नसक्नेमाकरणी लीसकेपछि पनि सोही कुराको रीस थाम्न नसकी उसैबखत करणी लिएकै थालामा वा त्यहीँदेखि लपेट्दै गई एक घण्टाभित्र हतियार, लाठो, ढुंगा इत्यादि चलाई ज्यान मर्न गएको ठहरे बात लाग्दैन । एक घण्टा उप्रान्त मारेमा ५ हजार रुपैयाँसम्म जरिवाना वा १० वर्षसम्म कैद हुन्छ ।’

एयरपोर्टमा लुटिने युवतीले पैसा पाइनन्

आफन्तको वयान गृहद्वारा अस्वीकार, आशंका जन्मियोः पीडित

६ पुस काठमाडौं । साउदी अरबबाट नेपाल र्फकने क्रममा प्रहरी र अध्यागमन कर्मचारीबाटै लुटिएकी युवतीले अझैसम्म आफूबाट लुटिएको लाखौं रकम फिर्ता पाएकी छैनन् । रकम लुट्ने भनिएका प्रहरी र कर्मचारी यतिबेला प्रहरीकै नियन्त्रणमा छन् । लुटिएको रकम भागवण्डा गरेका भनिएका अध्यागमनका ठूला कर्मचारीलाई भने अहिलेसम्म कारवाही भएको छैन ।

हनुमानढोकाका एसपीले वयानका लागि पत्रसहित गृहमन्त्रालय पठाएका पीडितका आफन्तलाई गृहमन्त्रालयका सहसचिव भोलाप्रसाद शिवाकोटीले पीएमार्फत् हप्कीदप्की गरेर वयानै नलिई फिर्ता पठाएको गुनासो पीडित पक्षले गरेको छ ।

मंसिरको पहिलो साता एयरपोर्टबाटै लुटिएकी ती युवती यतिबेला आफ्नो लुटिएको धन फिर्ता गराउन काठमाडौंमा दौडधूप गरिरहेकी छन् । तर, नेपालमा न्याय ढीलो पाइन्छ भन्ने मान्यतालाई चरितार्थ गर्दै प्रहरीले अहिलेसम्म उनलाई कर्मचारीबाट लुटिएको धन फिर्ता दिएको छैन । प्रहरी पर्शुराम बस्नेतको बलात्कारमा परेको बताउने युवतीको पेटमा तीन हप्ताको गर्भ रहेको डाक्टरी रिपोर्ट आएपछि त्यसलाई फाल्ने कि राख्ने भन्नेमा पनि उनी अलमलमा परेकी छन् ।

‘मैले अहिलेसम्म पैसा र सामान केही पनि फिर्ता पाएकी छैन ।’- पीडित युवतीले शुक्रबार अनलाइनखबरसित भनिन् । मसँग भएको ९ हजार ३ सय साउदी रियल लुटेकोमा अहिलेसम्म मैले फिर्ता पाएकी छैन । अध्यागमनका नायब सुब्बा सोमनाथ खनालले ३९ सय मात्रै लगेको हो भन्दै फिर्ता दिन खोजेका थिए, मैले मेरो सबै रकम चाहिन्छ भनेकी छु ।’ पीडितको थप गुनासो गर्दै भनिन्- ‘प्रहरी पर्शुराम बस्नेतले मैलेमात्रै खाएको होइन, माथिका हाकिमलाई पनि दिएको छ भनेर भोजपुरमै फोन गरेर आधा रकममात्रै भए पनि लिन आइज भनेर मलाई बोलाएका हुन् । तर, उनीहरु दाजुको सहायताले पक्राउ परेपछि प्रहरीले अहिलेसम्म मलाई पैसा फिर्ता गराएको छैन ।’

तीन वर्षपछि नेपाल आएकी युवतीको पासपोर्टमा नाम फरक परेपछि प्रहरी पर्शुराम बस्नेतले साथमा रहेको ९ हजार ३ सय रियलका साथै सामानसमेत आफैंले राखेर गंगबुस्थित एक होटलमा लगी जबर्जस्ती करणी गरेको आरोप लगाउँदै युवतीले हनुमानढोकामा उजुरी दिएकी छन् । यो घटनामा अध्यागमनका कर्मचारी सोमनाथ खनाल र प्रहरी पर्शुराम बस्नेत पक्राउ परिसकेका छन् भने अध्यागमनका अधिकारी टीका पोख्रेल र रामप्रसाद कोइराला पनि छानविनको दायरामा तानिएका छन् ।