नोट: यस कथाका सम्पूर्ण पात्र अनी घटना काल्पनिक हुन। कसैको ब्यक्तिगत जिन्दगी सँग मेल खान गएमा केवल संयोग मात्र हुनेछ।

 

बिना कुनै श्रीङ्गार नै राम्री देखिने कामना, आज त झन त्यो बेहुलीको रातो लुगा उनी माथी कस्तो खुलेको। हुन त पहिला उनलाई धेरै चोटी देखी न देखेको त हैन, तर आज उनको रुप को चमक अरु दिन भन्दा बेग्लै थियो। कुम कुम सम्म आउने उनको त्यो कालो कपाल, हल्का हाँस्दा पनि देखिने ति अनारका दाना झै मिलेका सेता दातहरु, सलक्क परेको त्यो नाक, ठुलो अर्ध ब्रीताकार निधार, म्रिगका जस्ता ति नयनहरु  अनी त्यस माथी झिम-झिम गर्दै हल्ली रहेका, मिलेका ति परेलाहरु। एक क्षण त म हराउन पुगे, त्यो भर्खर स्वर्ग बाट झरेको परी जस्तो लाग्ने कामना को आक्रितीमा। पुर्णिमाको दिन को पूर्ण चन्द्र जस्तो धपक्क बली रहेको थियो, उनको त्यो अनुहार। त्यो खुसीको माहोलमा सबै रमाएकै देखिन्थे, तर मेरो मन चाही अली खिन्न थियो।

 

कामना सँग मेरो पहिलो भेट लगभग ८ महिना अगाडी प्रतिक दाई को बिहेमा भएको थियो। प्रतिक दाई, मेरो मामा को छोरा, पढ्न भनेर बिदेश लागेको मान्छे उतै को बासिन्दा भै सक्नु भएको थियो। छुट्टीमा नेपाल आउँदा मामा-माइजु ले बिहे गरेर जान साह्रै कर गर्नु भएको ले हतार-हतार मै बिहेको कुरो पनि छिनियो। सबै कुरा हतार-हतार मा भएकोले होला, जन्ती जानेहरु पनि थोरै नै थिए। राती को साइत थियो, खान पिन सकेर जग्गे को काम सुरु हुँदा सम्म मान्छे को भीड अली कम भै सकेको थियो। म चाइ प्रतिक दाई को जग्गे कुरेर बसेको थिए। म कुरुवा को बेहुली को छेउ मा बसी रहेकी एउटा सुन्दर अनुहार सँग बेला बेला मा आँखा जुधी राखेको थियो। हुन त बिहे को त्यो रमझममा अरु पनि सुन्दर मुहारहरु वरिपरी न घुमी रहेका त हैन, तर त्यो अनुहार को आकर्षण अरु भन्दा भिन्न थियो। उनको आँखाले केही भने पनि न भने पनि मलाई चाही खै किन हो, केही भनेको जस्तो भान भै रहेको थियो। भाउजु लाई केही चाहिएको थियो शायद, उनैको कानमा खुसुक्क खै के भन्नु भयो। उनी जुरुक्क उठिन अनी म भएको तिर पो आइन। मलाई न देखे जस्तो गरेर मेरो छेउ बाटै पास मात्र के भएकी थीइन, मेरो मुखबाट "excuse me" फुस्क्यो। "हजुर भन्नुस" उनी फरक्क फर्केर भनिन। अब मलाई पो आपत पर्‍यो, के भन्ने भनेर। तर केही निहु त पार्नै पर्‍यो। अचानक मेरो मुख बाट "toilet कता छ?" भन्ने वाक्य निस्कियो। सायद मेरो त्यो प्रश्न उनलाई बनावटी हो भन्ने आभास भै सकेको थियो कि क्या हो, हल्का हाँस्दै "ल हिंड्नुस् म देखाइ दिन्छु" भनिन। एउटा ज्ञानी बच्चा जस्तो उनको पछी पछी लागे।

 "तपाइ भाउजु को के नाता पर्ने नि?" चिनापर्ची को क्रमलाई अगाडी बढाउने मेरो पहिलो प्रयास थियो। "म त तपाईं को हुने वाला भाउजु को बहिनी, फुपु को छोरी, हो नाता ले। तर हामी दिदी बहिनी भन्दा पनि साथी जस्तो हो" उनले एकै सासमा भनिन। "उसो भए तपाईं चाही भिनाजु को भाई पो पर्नु भएछ। आफ्नै भाई हो?" अब प्रश्न सोध्ने पालो उनको थियो।

 "खै अब आफ्नै भन्ने कि टाढा को भन्ने, तपाईं को हुने वाला भिनाजु नाताले त मेरो मामाको छोरा पर्नु हुन्छ, तर हामी पनि दाजु-भाइ भन्दा साथी नै जस्तो छौ।" उनकै शब्द सापटी लिएर जवाफ दिए।

त्यही एउटा प्रश्न अनी उत्तरमै म त गन्तब्य को नजिकै पुगी सकेछु। "उ त्यही हो toilet" कुना को कोठा तिर देखाउदै उनले भनिन। "धन्यबाद" म औपचारिकता निभाउदै उनले देखाएको कोठा तिर लागे, उनी भने सिढी चढ्न थालिन।

 

फर्केर आउँदा उनी फेरी जग्गे को छेउ मै बसी रहेको पाए। उनको छेउ मा रहेका खाली कुर्सीहरु ले मलाई नै आमन्त्रण गरेको जस्तो लाग्यो, अनी त सरासर त्यही खाली कुर्सी तर्फ नै पाइला चाले।

"Can I sit here?" कुर्सी खाली छ भन्दैमा नेताहरु जस्तो सोध्दै न सोधी बस्ने कुरा पनि भएन। "Sure" पुलुक्क हेरेर उनले भनिन, अनी सेल फोन मा औंला नचाउन थालिन। कुर्सीलाई म तिर तानेर बसे, "दाइ ले अस्ट्रेलिया बाट यस यम यस गर्नु भएको रैछ, तेही पढ्दै थिए" मैले केही न सोधिकनै उनले बेली बिस्तार लगाइन।

" ए अनी तपाईं को नाम चाही के पर्‍यो नि?" मलाई अघी देखी नै सोध्न मन लागेको प्रश्न थियो त्यो। "कामना, अनी तपाईं को नि?" फेरी उनको प्रतिप्रश्न आयो। "रजत" उनी तिर हेर्दै मैले भने। "आजकल के गर्दै नि? पढाई चल्दै छ कि सकियो?" त्यो हाजिरी-जवाफको क्रममा प्रश्न सोध्ने पालो अब मेरो आएको थियो।

"के यु मा फार्मेसी पढ्दै छु। भर्खर फाइनल इयर को एक्जाम सकेर बसेको, रिजल्ट हुन बाकी छ।" उनले सबै बेली बिस्तार लगाइन। "तपाइ को पढाई चाही कहाँ पुग्यो नि?" सोचेकै प्रश्न आयो उता तिर बाट। 

"म पनि बि इ सकेर रिजल्ट कुरेर बसिराको हो" हावाले अगाडी ल्याएको मेरो कपाललाई पछाडी सार्दै भने। "एsss.. भने पछी हामी दुबै जना बेरोजगार पो परेछौ त है?" हल्का  मुस्कुराउदै उनले थपीन। ........ 

 

क्रमश:

 

Last edited: 06-Mar-08 03:49 PM

View/Share this post only

. Okay, you have got the voice and all that is needed to keep a genuine reader around. But, the writer of your caliber should choose something challenging, a new domain, something which other people dare not attempt. Don’t just exchange GRE notes, treat us with something new, something sensational, something WOW! Write for yourself not for the wows and ooohs… and yes, I am NOT waiting for the rest unless it is something other than the less ordinary so called enticing encounters of the narrator.

k bhaech ta kamanalai ?  la chito lekha Nkchora  ramro lagyou yo bhag pani

चेली बहिनी, यो कतै पार्ट टाइम गर्दा को कथा हैन। पूर्णरुपमा मेरो कल्पना को उपज हो। 

चित्रे, हाहा कथा मै भए पनि कामनाको घर त पुगियो नि।  प्रेरणात्मक प्रतिकृयाको लागी आभारी छु। पढेर २ शब्द लेखिदेको मा धन्यवाद।  

Gunyucholi, I am really amazed by your remarks, specially by the phrase: "writer of your caliber" since I consider myself a "learner" in nepali literature. This is my 2nd attempt to write a story in Nepali. I never knew that readers like you had so much expectation from a novice writer like me. Here I am serving the final episode of the story. I am sorry if the instalment is not up to your expectation. I will try to do a better job next time. And, thank you very much for those words.

Pjna, I am glad to hear that you liked the story so far. Thank you very much for those boosting anotation.

अन्तिम भाग..

मन का यिनै खुलदुली मेटाउन भनेकै समयमा बेकरी पुगे। मोटरसाइकल अड्याएर भित्र पस्न मात्र के आटेको थिए, कामना पनि टुप्लुक्क आइ पुगिन। "हैन के पर्‍यो त्यस्तो जरुरी कुरा, भेटेरै भन्नु पर्ने?" मेनु हेर्दै मैले सोधे। "हा हा हा, पहिला खाना त अर्डर गरौ, अनी भन्छु" उनका आँखा पनि मेनु मै टासिएका थिए। मेनुमा डुबिरहेका कामना को आँखाको भाव भुझ्ने प्रयास गरे, मैले। भन्छन आँखा भनेको मन को ऐना हो रे। तर ति आँखामा न त कुनै आश्चर्य प्रतिबिम्बित थिए, न त कुनै राज नै। हुन त आँखा ले प्रतिबिम्बित गर्ने हरेक सानातिना कुरा बुझ्न अभ्यस्त मान्छे त हैन म, तर कसै को आँखामा उर्लीरहेको ज्वारभाटाको छाल भने महसुश गर्न भने सक्थे। तर ति आँखामा कुनै बिशेष संकेत न देखेर मेरो कौतुहलता झन बढ्यो, आफ्नो आफ्नो खाना को अर्डर गरी सकेर फेरी अघी कै प्रश्न दोहर्याउन वाध्य भए म। "हिजो तिमीले first salary पाएको भनेको हैन? तेसै ले आज तिमी मलाई treat दिदै छौ। अब फोनमा treat दिन मिल्दैन थ्यो, तेसैले भेटेर भन्छु भनेर नि।" उनको त्यो वाक्य ले मेरो उत्सुकताको बाधलाई भत्कायो। "आफु त के के न भयो होला भनेर सोचेको त उस्लाई त first salary पाको treat पो चाइएको रैछ, दिन भरी करायो दक्षिणा हरायो भन्या यही हो" मनको कुरा मुख बाट भने निस्केन। दिनचर्या अनी यताउता को कुरा गर्दा गर्दै खाने काम पनि सकियो अनी आफ्नो घर तिर लागे। तर कामना ले त्यो दिन देखाएको आत्मियापन भने मलाई अली दोमन बनायो। हुन त मेरा अरु केटी साथीहरु पनि थिए, तर आज सम्म कसैले पनि यसरी हक देखाएर treat त ख्वाउनु परेको थिएन। फेरी अर्को मनमा चाँही आsss.. फेरी कामना अली frank मान्छे, त्यस्तो अन्थ्या केही सोच्नु पर्ने जस्तो लागेन।

समय आफ्नै गती मा बग्दै थियो। हाम्रो जिबन को नदी पनि आफ्नै बेगमा दौडी रहेको थिए। बेला बेलामा दोभान अनी त्रिबेणिहरु मा जम्का भेट हुन्थ्यो, एक छिन भलाकुसारी हुन्थ्यो, अनी फेरी हामी आफ्नै बाटो लागथ्यौ। हामीहरु आफ्नै संसारमा ब्यस्त थियौ, म आफ्नो काम मा, अनी कामना उनकै। कामना ले TOEFL मा राम्रो अंक ल्याइन अनी GRE को तयारीमा लागिन। मैले पनि TOEFL को झमेला जेनतेन गरेर पार लगाए, मेरो पनि राम्रै अंक आयो। यसो हेर्दा हामी दुबै जनाको भबिष्य को बाटो एउटै दिशा तर्फ लम्किरहेको आभास मैले पाएको थिए। आफ्नो उज्ज्वल भोली प्रती चनाखो हामी दुबै को तत्काल को गन्तब्य भनेको further study को लागी बिदेश जानु थियो। शायद त्यही भएर होला, हामी बिच को दुरी बिस्तारै घटाउने प्रयास गर्दै थिए म। भेटघाटको को क्रम निरन्तर चली रहेको थियो। बिज्ञान, राजनिती, साहित्य देखी पढाई, संगीत अनी फिल्म सम्म, हाम्रो कुराकानी हुने बिषय को दायरा निकै ठुलो थियो।

अफिस को कामले १ महिनाको लागी काठमान्डु बाट बाहिर जानु पर्ने भयो। एउटा महत्वपूर्ण प्रोजेक्टको काम रहेछ, अनी त्यस प्रोजेक्ट को सम्पूर्ण जिम्मेबारी मेरो काधमा थियो। एकातिर अफिसले ले म प्रती देखाएको विश्वासले अली कती हौसला बढाएको थियो भने, अर्को तिर कामना सँग १ महिना को लागी छुटिनु पर्दा अली कती नरमाइलो पनि लागेको थियो। कामना सँग एक महिना पछी भेट्ने बाचा गर्दै काजतपत्रको भारी बोकेर गन्तब्य तर्फ लागे। काम को दौड धुप मा एक महिना कती चाडो बित्यो पत्तै भएन।

काठमाण्डु फर्की सकेर कामनालाई फोन गरे। नियमित भलाकुसारी सकाएर फोन राख्न मात्र के लागेको थिए, "भोली अफिस सकाएर तपाईं लाई एक छिन फुर्सद छ? छ भने ५ बजे तिर बानेश्वरको बेकरी क्याफे मा एक चोटी भेटौ न। केही जरुरी कुरा गर्नु थियो।" कामना ले आग्रह गरिन। "ल हुन्छ, see you tomorrow, then" त्यो वार्तालाप टुङ्गियो। कामनाको "जरुरी" कुराले एक पल्ट फेरी मलाई उत्सुक बनायो। एक पल्ट सोचे, के नै होला त्यस्तो भेटेरै भन्नु पर्ने जरुरी कुरा त। क्यालेन्डर पल्टाएर हेरे, उनको जन्मदिन त आइ सकेको थिएन, न त मेरो नै। फेरी अर्को treat दिन लाई मेरो प्रमोसन पनि भै सकेको थिएन। कि त उनको कुकुर मोती को जन्मदिन पो हो भोली? मेरो अनुमान को दायरा त्यती मै सिमित भयो। 

भनेकै समयमा कामना सँग भेट भयो। आज उनको आँखाको भाव अली बेग्लै थियो। ति आँखा ले केही भनी रहेका थिए। तर त्यो आँखा भित्र का binary code लाई decode गर्न मैले सकी रहेको थिइन। खाने कुराको अर्डर गरेर उनको जरुरी कुरा को राज बुझ्न मैले कुरा उक्काए। "रजत, जिबन को यो मोडमा मलाई तिम्रो सानो मद्घत चाहिएको छ। घरमा बिहा को लागि साह्रै कर गरी सक्नु भयो। बाबा-आमा को जिद को अगाडी म कमजोर हुन पुगे। घरमा बिहा को कुरा आएको छ। शायद तिमी केटा लाई चिन्दछौ होला। तिम्रै कलेजमा पढेको रे। तिमी भन्दा २ ब्याच सिनिअर होला। अहिले सम्म मैले केटा लाई भेटी सकेको त छैन। तिमी ले नै त्यो केटा कस्तो हो बुझेर मलाई खबर गर है। त्यस पछी बल्ल म के गर्ने भनेर निर्णय लिन सक्छु होला।" कामना का आँखा खाना को त्यो प्लेटमा गाडीएको थियो भने, औंलाहरु चम्चा सँग मिलेर चाउमिन को त्यो गुजुल्टो फुकाउने प्रयास गर्दै थिए। शायद ति एक महिनामा बागमतीमा धेरै नै पानी बगी सकेछ। "भै हाल्छ नि। एउटा साथी को नाता ले मेरो तर्फ बाट सक्दो सहयोग गर्ने छु। म अरु सँग बुझेर तिमी लाई खबर गर्छु है त।" उनको कुराले मुटु चसक्क पारेको भए पनि केही न भएको जस्तो अभिनय गर्दै मैले भने। खै किन हो, अरु दिन साह्रै मिठो लाग्ने बेकरीको म: म: त्यो दिन मलाई अली खल्लो लाग्यो। थाहै नपाई कुडिएको मन अनी थपिएको एउटा नयाँ काम को बोझ बोकेर घर फर्किए। खाना खान त मन थिएन, तै पनि देखाउनलाई भए पनि एउटा प्लेट समातेर अली कती खाना हालेर बसे। "किन थोरै भात लिएको नि? बाहिरै केही खाएर आएको?" आमाको प्रश्न आयो। "फर्किदा बाटोमा साथीहरु सँग नास्ता खाएको थिए, खासै भोक लागेको छैन" थालको सिता गन्दै जवाफ दिए। खै किन हो आमा सँग आँखा जुधाएर कुरा गर्ने हिम्मत थिएन म सँग। शायद आमाले मेरो अनुहार हेरर नै मन मा मचिएको खलबली को आभाश पाउने डर लागेको थियो मलाई। जसो तसो ३-४ गास टिपेर आफ्नो कोठा तिर लागे। भोली बिहानै अफिस जानु थियो, सुत्न भनेर ओछ्यानमा पल्टे, आँखामा भने निन्द्रा थिएन। मन मा चली  रहेको आधिबेरीको जरो खोतल्न तिर लागे। आज कामना ले उनको बिहा को कुरा गर्दा किन मेरो मन चसक्क भएको? आखिर हामी बिच त्यस्तो के नै थियो र, रार्मो साथी को नाता बाहेक? के म कामना लाई मन पराउन थाली सकेको थिए? के म एकोहोरो प्रेमको भुवरीमा फसी सकेको थिए त? पहिलो भेट देखी त्यो साझको हरेक पलहरु मानसपटलमा चलचित्र झै नाच्न थाले। म बिस्तारै कामना तिर झुक्दै गएको आभास पाए मैले। हो, शायद मैले थाहै नपाई कामना लाई मन पराउन थाली सकेको रहेछु। जुन कुरा मलाई अश्वभाविक पनि लागेन। मेरो सबै भन्दा नजिक कि केटी साथी भनेको कामना नै थिएन त्यती बेला। तर कामना को लागि भने म केवल एउटा राम्रो साथी मात्र रहेछु। त्यो रात भरीको मन को अन्तरद्वन्द अनी बादबिबाद को एउटा निस्कर्ष निस्कियो: "यो भावना भने चिज नै यस्तै रहेछ, अन्धाहरु ले हात्ती छामे जस्तो। जसको हातमा जे पर्‍यो, उसलाई उस्तै लाग्ने।" अब मैले के गर्नु पर्ने होला? अर्को प्रश्न को जवाफ खोज्न बाकी नै थियो। "के मैले कामना लाई मन पराएको कुरा उनलाई भनु त?" एक चोट सोच्न वाध्य भए। "हैन, अब शायद अली ढिला भै सक्यो। उनको जीवनमा अरु कोही आउन लागेको बेला आफ्नु उपस्थिती जनाउनु उचित समय थिएन" मन को एउटा कुना बाट आवाज आयो। र त्यही आवाजको सल्लाह मान्ने निर्णय मैले गरे।

पुकार दाई को कुरा आएको रहेछ, कामनाको लागी। कलेजमा त्यती हेलमेल हुन न पाए पनि पुकार दाई का केही साथीहरु लाई राम्ररी चिन्दथे म। कुरा बुझ्दा पुकार दाई राम्रो मान्छे भएको निस्कर्ष निस्कियो, अनी त्यही कुरा कामना लाई भनी दिए।

आज कामना को बिहा पुकार दाई सँग हुँदै थियो। कामनाको त्यो खुसीमा समेल हुन मलाई पनि निम्ता दिइएको थियो। खिन्न मन भए पनि हासेको अभिनय गर्दै त्यहा केही घण्टा बिताए। अनी उनको सुखी जीवन को कामना गर्दै कामना सँग बिदा मागेर आफ्नो घर तिर लागे। .......    

 

ढिलै भए पनि कामना पढ्ने मौका मिल्यो। यो हप्ता अन्त्य उसै अल्मल हुन्छ के।

भावनात्मक प्रस्तुती, मन छुने कथा रहेछ।
नेप्चे, अरु पनि लेख्दै गरुम है।

राम्रो प्रस्तुति नेउचे!
बिचरो रजतलाइ चैं बोर भएछ, के गर्नु मन न त हो! 'म ताक्छु मुढो, बन्चरो ताक्छ घुँडो' हुन्छ कहिलेकाहिं।
आफूले मन पराएकिले चैं साथी मात्र बनाउने, त्यस्तो केही नसोचेको बेलामा चैं फेरी आफूलाइ मन पराइरा' हुने!

लु नेप्चेको, धमाका गएछ यता। यस्तै हो के केटीको जात। खाली केटाहरुलाई शहीद बनाउन बाहेक केहि जान्दैनन्, नक्कलीहरु।

२ ब्याच सिनियर पुकारदाइ रे ?

 

कथा त राम्रो भयो BUT २ ब्याच सिनियर ???? कथा साँच्चै काल्पनिक नै रछ

.NKC - Time lagayera bhaye ni bich bichma skip gardai bhaye pani, got the gist of the story - love story raicha bhaneyra.

Interesting!

k ho NKC bro kabita bata katha ma jhardya

testai ho bro yo kabita bhanne kura jasko laagi ho usle sundidainan, aru le sunera kehi na kehi, kaag lai bel paakyo harsha na bismat

je hos bro katha pani ramro laagyo, tyo kamana lai thapakka Pukar dai ko jimma lagaauna sakne mutu ta darilai hunu parcha, tara yi mori nakkali keti haru yestai hun, jaatai nahune nabhai pani nahune kasto aapat

la bro aba kabita ko paalo, jasko laagi lekhe pani hami kehi bhandainam ke, kina darako 

NKC, dherai ramro laagyo.. great work!

Emotions are like silhouettes, featureless but with strong outlines. You expressed  it all so rationally in this story.Beautiful touch up at the end. You wrapped it up so neatly.That is why I said 'writer of your caliber' without counting the number of your stories.Count matters or the quality of the content ?
I think  these beautiful lines in Urdu sum up your story. Good luck.
"वो अफ्सना जिसे अन्जाम तक लाना न हो मुम्किन
उसे एक खुब्सूरत मोड देकर छोड्ना अच्छा"

सुन्तले जी, हौसला बढाउने ति शब्दहरु को लागी धन्यवाद छ। मौका मिले सम्म लेख्दै टास्दै गरम ला नि।

 

चित्रे, हो नि... रजतलाई त बोर नै भयो। "म ताक्छु मुढो, बन्चरो ताक्छ घुँडो", यस्तै हुन्छ कहिले काही जिन्दगी मा।  कथा पढेर पस्किदेको प्रतिकृयाको लागी म आभारी छु।

 

गुरु, पढेर २ शब्द छोडि दिनु भएकोमा धन्यवाद टक्राउछु। पुकार दाई लाई त गुरु ले पनि चिन्नु हुन्छ जस्तो छ नि?

 

चेली बहिनी, हुन त मैले सुरु मै भनेको हो नि कथा काल्पनिक हो भनेर, मेरो कुरा कसैले पत्याउने भए पो त।

 

फ्लिप-फ्लप, टाइम लगाएर अनी बिचबिचमा स्किप गर्दै भए पनि कथा पढिदेर प्रतिकृया ब्यक्त गरिदेको मा धन्यबाद छ।

 

कलेजो ब्रो, कबिता बाट कथा मा झरेको भन्नु कि उक्लेको भन्नु खै? कबिता भन्दा त कथा लेख्न साह्रै गाह्रो लाग्यो मलाई त। ब्रो लाई कथा राम्रो लागेको सुन्दा खुसी लाग्यो। हो, रजत को मुटु त दरिलै थियो नि, नत्र कहाँ थुपुक्क कामना लाई पुकार दाई को जिम्मा लाउन सक्नु त्यती सजिलै। मौका निकालेर कबिता नि लेखुमा ला नि।

 

कान्छा ब्रो, समय निकालेर कथा पढिदिएर ब्यक्त गरिदिनु भएको ति प्रेरणादायक प्रतिकृया को लागी धन्यवाद छ।

 

Gunyucholi, “Emotions are like silhouettes, featureless but with strong outlines.” - well said. I am glad to hear that the wrap up of the story was neat. Agree that the quality counts more than the quantity. Yet they say: practice makes perfect; more you write, more fortified you will be with the words. Thank you very much for those encouraging annotations and those beautiful lines to summarize the gist of the story. I really appreciate it.

yo last part jhanai ramrou raich - katha lekhan ma pragati hudai cha - leykhdai gara hai nkchora

"कि त उनको कुकुर मोती को जन्मदिन पो हो भोली?"---   यो त अत्ति भयो नेप्चे

अन्तिम भाग पनि दामि गयो, हुन त रात भरि करायो दक्षिणा हरायो जस्तो भएछ तर केहि छैन नेप्चे कामना पछि अर्को भावना आउलि नि

ल अरु पनि लेख्दै गर है

"अन्तिम भाग पनि दामि गयो, हुन त रात भरि करायो दक्षिणा हरायो" hora bhanya

NKC, last part jhanai ramro laagyo.. great work! Keep 'em coming.

प्रेरणा,
अन्तिम भाग झन राम्रो लागेको सुनेर खुसी लाग्यो। हौसला बढाउने ति शब्दहरु को लागे मुरी मुरी धन्यवाद छ। मौका मिले अरु पनि लेखमला नि।

दिपिका, अब अघिल्लो चोटी "जरुरी, भेटेरै भन्नु पर्ने" कुरा भनेर "हात्ती आयो हात्ती आयो, फुस्सा " भए पछी यो चोटी को जरुरी कुरा त्यही मोती को बर्थ्डे पो हो कि जस्तो लाग्यो नि आफु लाई। बबाल कथा लेख्ने मान्छे लाई यो कथा दामी लागेको सुनेर मलाई पनि खुसी लाग्यो। 
भावना रे? कुन चाइ भावना को कुरा गरेको: भावना पोखरेल कि भावना घिमिरे को? 

कान्छा ब्रो, रजतलाई त  "रात भरि करायो दक्षिणा हरायो" जस्तो भैगो नि, कामना लाई पुकार दाई को जिम्मा लाउनु परे पछी।

Yakku, thank you very much for the inspring comment.

Last but not the least, thanks to all the readers as well....

ramro lagyo. leKHdai garnu hola... !!

राम्रो लग्यो कथा.....